AF268: 70r

ol mertebeden ṣoñra biz daḫı süvār olduq ve muqātele mevqiʿinde vuqūfı iḫtiyār ėtmeyüb baġıdan [?] perhīz ėdüb mürācaʿat eyledük // dėyü buyururlar‑idi dėr‑idi ḥikāyet ceddümüz ḥāfıẓ Meḥemmed ki ʿAcem pādişāhlarınuñ güzīdesi olan Yaʿqūb // Pādişāhuñ mürebbāsı ve maqbūl u maḫṣūṣ ḫāfıẓı [!] olub ṣoñra Sulṭān Yaʿqūb vefāt ėdüb Rüstem Pādişāh tāze pādişāh // olub dedemüzi ḥaremine alub mezīd iltifāt ile riʿāyet ėdüb ṣoñra Rüstem Pādişāh daḫı vefāt ėdüb şāh‑zādeler // fetreti olmaġla Şāh İsmāʿīl yanına atası aḥbābı dėrilüb ḫurūc ėdüb mirāren muḥārebelerden ṣoñra ṣāḥib‑i // ḫurūc istīla ėdüb ʿAcem şāhligi [!] İsmāʿīle qarār bulıcaq merḥūm Sulṭān Selīm ʿaleyhi r‑rıżvān min Allahü l‑kerīm ʿazm‑i // perḫāş‑i Qızılbaş ile vilāyet‑i ʿAceme āheng ėtdüklerini istimāʿ ėtdükde Tebrīzde Mevlānā Kemāleddīn Erdebīlī // ʿaleyhi r‑raḥime [?] ḫidmetlerine varub vālidi bile iletmiş ve duʿā ricā ėdüb istimdād ėylemiş vālid rivāyet ėder ki // namāz‑i ʿaṣrı şeyḫ ile edā ėtdük tilāvet‑i sūre‑i ʿamm olunduqda şeyḥ [!] dėdi ḥaqq taʿāla sizi ve evlāduñuzı // ḥāfıẓ ola nite kim ṣiz kelām‑i haqqı ke‑mā inzal [?] ḥāfıẓsız vālid eyidür atam şeyḫe dėdi ki sulṭān‑i Rūm bu cānibe qudūm // üzredürler māl hāline müncerr olmaq görinür şeyḥ [!] ḥażreti dėdi ki īn mard ki mi‑āyad ba ḫūdī‑yi ḫūd na‑miāyad // maʾmūr ast ba‑āmadan barāy‑i taʾdīb īn bad‑baḫt mi‑āyad arvāḥ bā u nīz ḫūd ham ṣāḥib rutba ast // yaʿnī bu er ki gelür gendiliginden gelmez meʾmūrdur gelmeklige bu bed‑baḫtı teʾdīb ėtmek‑içün cānib‑i ḥaqqdan gelür // ervāḥ anuñladur gendi daḫı rütbe ve maqām ṣāḥibidür dėdi atam dėdiydi [?] ki teʾdīb içün gelür buyurduġuñuzdan // fehm olınur ki helāk olmaya şeyḫ dėdi ki Allāhu aʿlam hazīmat‑i kullīya mišavad ammā šān az‑miyān burdī barav [?] // ṣoñra ki merḥūm ḥażretleri Çaldıranda helāk‑i gürūh‑i nā‑pāk ėdüb şāh‑i gümrāh cemʿ‑i qalīl ile qaçdı Tebrīze // gelüb erbāb‑i kemāli riʿāyete teveccüh ėdüb ehl‑i hüneri daʿvet ėtdiler ceddümüz qullārını meger şeh‑zāde iken // vaṣfın işidirler‑imiş iḥżār ėdüb qırāʾet ve ḥüsn‑i edā ve ṣavt ü naġme‑i dāvudīden behre‑i nāmın [?] müşāhede // ėdicek ḥāfıẓ Meḥemmed Yaʿqūbı işidür idük Sulṭān Yaʿqūb mürebbāsı bu ol mıdur yoḫsa ol geçmiş‑midür dėyü // suʾāl ėtdükde ol idiügi ẓāhir olıcaq meyl ü iltifātları ziyāde olub riʿāyet‑i külliye ile bu diyār‑i // celīlü l‑iʿtibāra getürüb ṣoñra vālid qullarını bende‑gān ḥarem‑i ḫāṣṣ zümresine ilhāq ėdüb // şeref‑i qurb u devlet ḫiṭāblarıyla ser‑firāz ėtdüklerinde bir gün Qızılbaş seferinde cereyān ėden aḥvāli